قرداحي ومن سيربح المليون

موضوع: قرداحي ومن سيربح المليون 15/11/2008, 15:26

أعزائي المشاهدين.. نرحب بكم جميعا في برنامجكم من سيربح المليون .

ونرحب بكم جميعا في هذه الحلقة الخاصة من الأردن، كلكو عارفين نظام
المسابقه
وما في داعي نعيد ونزيد

نبدأ مسابقتنا مع المشتركين ونبدأ بسؤال السرعه .

رتب الكائنات التالية من الاصغر الى الاكبر ...

أ- نمله ب – كلب جعاري جـ - فراشه د- فيل

ممتاز......... خمس اجابات صحيحه والاجابه الاسرع هي اجابة ابو ابو الكوارع من مخيم الحصن ....

مرحبا أخ ابو
الكوارع

- هلا عمي ... هلا والله .. جيرة الله الله غير غداك عندي بكره
والله لساويلك ااحلى ملوخيه بالجوانح
- تسلم يا سيدي ما بتئصر ( مش تنوره ) ... نبدأ السؤال الاول

اين هو مقر منظمة الامم المتحده الحالي : الخيارات .

- يا عمي تغلبش حالك .. انا لا بقرا ولابكتب فكرت بدك تسالني
عن طريقة صنع الكرشات أو ما هي الشاكريه . وكيف بتقطع الملوخيه هاي
الاسئله ابعرفش بيها

فيه عندك وسائل مساعده ... الاتصال بصديق ومساعدة الجمهور او حذف
اجابتين

- يا عمي شو حذف ما حذف استر علينا ... والجمهور يالله مساعد حاله
كل واحد ع كده
وهمه يا عمي الدنيا غلا والديزل ارتفع سعره والناس عايشعه من كلة الموت
. وبدتش اياهم يساعدوني
احكي مع صديق ؟؟؟ ابيش غير الحاج مرزوق .......... بظل محملني جميله
طول عمري
.. سيبنا يا عمي . السلام عليكم

اعزائي المشاهدين ... نوخذ المتسابق الثاني ... الشاب سعيد من مخيم ماركا

أهلا وسهلا أخ سعيد ... كيف الحال

-منيح .....

السؤال الاول وهو سؤال سهل : ما هو الحيوان الذي يوقظنا كل يوم
بصياحه

ابو عهلي بياع الخضره.... فيش غيره .. بيظل يزاعق علينا من الصبح على حبات هالخضره المخمجه...
بعزرعلينا وهوه بكول الحق الحق الاربعه بريزه يا حمراء
..
أني بكرها هالعاده الخامه ..

اخي العزيز ... أصبر وخلينا نوخذ خيارات :

أ- القط ب- الديك جـ - القرد د-السمكه

- يا خوي أبيش عنا بالدار غيركمن طير حمام ... بيش غيرهن .. بوجه
سلامي لاخوي ولتشل كرايبي حولين داير مندار الارض
صقُر بالامارات ولاختي بمعان وسلامي لصاحبي بشار ومبروك التخرج وبحب
اهدي اغنية
متعب الصقار كومي يا حلوه كومي
بيتش صحاني من نومي " "

شكرا أخ سعيد ...... هذا برنامج مسابقات مش ما يطلبه المستمعون
والله احنا متعودين نقول هيذا
اعزائي المشاهدين .. يبدو ان المشاركين يتوقعون نوعية اخرى من الاسئله
على كل
حال نتابع برنامجنا ونأخذ متسابق جديد الاخ قاسم ابو شفه من الزرقا

أهلين أخ قاسم

- هلا والله هلا بيك أحلى تحيه من الزاويه للزاويه.......... ومن
السقف
للارظيه

أهلا وسهلا سيدي .. نبدأ الاسئله . السؤال الاول : من اسم الشخص الذي
قام
باغتيال الرئيس الامريكي جون كندي ..

- وعرظ اختي مش أنا ...... وشرف امي كنت بالجويده وقتيها

اخي العزيز احنا بنسالك .. استنا وين رايح . أخ قاسم .. اخ قاسم ..
لحظه بس

أعزائي المشاهدين نأسف على سوء الفهم الذي حصل .. ونتابع برنامجنا
بعد
الفاصل الإعلاني

************ ********

أكوا فريش ........... فرشاه للأسنان لانتعاش أكيد ............ . لا
تنسى لسانك

لا تنسى التحدي مع سنيكرز ........... وبعديها فرشي سنانك بفرشاة قبل
شوي

************ ********* ********* ****

اعزائي المشاهدين في رحاب الوطن العربي الكبير نتابع برنامجنا في هذه
الحلقه
المميزه من الاردن في برنامجكم من سيربح المليون .. والآن معنا
المتسابقه

ام العبد من رام الله وسكان مخيم الجلزون
زمان اجيتي من رام الله
يومين

أهلا وسهلا فيكي اخت ام العبد
كيف دشرتي رام الله وراكي
والله ما اني داري جيف اكلك خلها بسرتش
طفر وقلة زفر ومضيكين علينا العيشه
واذا بدك تزور كرايبك بتشوبر ( كوبر )
لازمك تصريح والا اكعد واستريح
الله يكطعهم

- أهلين خيوه

نبدأ معك الاسئله والسؤال الاول هو : من هو مكتشف امريكا

أ- نبيل شعيل ب- مايكل جاكسون د- روجر دوغلاس جـ - كريستوفر كولومبوس

- هاه . أنداري. انا عمري ما وصلتها اميركا . بسمع بيها سمعه بس
كلي ابو العبد مرة
كال جماعتنا
كلهم راحوا هناك وكل يوم بروح حدى منهم

اختي فيه عندك وسائل مساعده ممكن تستخدميها

آه طيب .. بدي اتصل بصديق

هون نط واحد من الجمهور

"شو يا ام العبد.. صديق .. هاي آخرتها
ويلك ياللي تعادينا ويلك ياويل مثل النار تلاقينا بظلام الليل

طاب البارود يا محلا يوم الغاره"

ونط واحد ثاني .. " طخها يابه ... اغسل عارنا .... طخها يابه .. طخها "

تدخل الامن وحل المشكله بالقنابل المسيله للدموع .

وانحلت سلميا بعد ما شرحوا الموضوع لابو العبد.. جوزها لام المحروس العبد.

اعزائي المشاهدين .. هيك بتنتهي حلقتنا لهالليله الحلوه .. ونأسف
لفشلها فشلا ذريعا وان شاء الله الحلقات القادمه سنكون أكثر حرصا في اختيار
المشاركين ...
وشكرا لكم .

والسلام خير ختام

سألو أردني ليش دائما مكشر وعصبي ؟؟؟؟
قال ... قهوتنا مره و بحرنا ميت و خليجنا عقبة وطبختنا مقلوبة أشهر الأسماء زعل و مهاوش وعدوان و مغنينا اسمه متعب وأشهر أغنينا ويلك يلي تعادينا يا ويلك ويل

وبدك إياني ابتسم .....

زائر

شكــــــــــــرا
بس العجلونية شو بيعملوا؟؟؟

الله ما حدى داري عنا

وسائل عنا

خلها بسرك
:0000148:

» من سيربح المليون
» من سيربح المليون في الاردن حالياً(احمدابوعناب)